سپریم کورٹ کا عرضی پر سماعت سے انکار

سپریم کورٹ نے دارالحکومت کی تیس ہزاری کورٹ میں تصادم کے بعد دہلی پولیس ہیڈ کوارٹر کے سامنے مظاہرہ کرنے والے پولیس اہلکاروں پر کارروائی کی مانگ سے متعلق عرضی پر سماعت سے پیر کو انکار کردیا۔

جج ارون کمار مشرا کی صدارت والی بنچ نے عرضی گزار وکیل جی ایس منی کی عرضی پر سماعت سے یہ کہتے ہوئے انکا ر کردیا کہ 'متعلقہ معاملہ پر دہلی ہائی کورٹ میں سماعت چل رہی ہے۔ اس لئے ابھی وہ اس میں مداخلت نہیں کرے گی۔'

خیال رہے کہ گزشتہ نو دسمبر کو عدالت عظمی نے اس معاملہ میں ہائی کورٹ میں چل رہی سماعت کی تفصیلی معلومات کی مانگ کی تھی۔

بنچ نے کہا کہ 'ہم آپ کی عرضی ابھی خارج نہیں کررہے ہیں۔ آپ ہائی کورٹ کا حکم پیش کریں۔ ہم دیکھنا چاہتے ہیں کہ ہائی کورٹ نے کیا کیا ہے اور اس میں کیا کچھ مزید کرنے کی ضرورت ہے۔'