شہاب الدین کی شکایت پر مرکزغور کرے :سپریم کورٹ

سپریم کورٹ نے بدھ کوراشٹریہ جنتادل کے رہنما اور سابق رکن پارلیمان محمد شہاب الدین کی اس شکایت پر غور کرنے کی مرکزی حکومت کو ہدایت دی ہے جس میں اس نے کہا ہے کہ ' تہاڑ جیل میں اسے تنہائی میں رکھا گیا ہے اور اسے گھومنے پھرنے کی بھی آزادی نہیں ہے۔'

قتل کے معاملہ میں دارالحکومت کے تہاڑ جیل میں بند سابق رکن پارلیمنٹ نے عدالت عظمی میں عرضی داخل کرکے عدالت سے یہ بھی پوچھا ہے کہ 'کیا اسے ہمیشہ تنہائی میں رکھا جائیگا۔

شہاب الدین کی شکایت پر عدالت نے سالیسیٹر جنرل تشار مہتہ سے کہا کہ 'وہ سابق رکن پارلیمنٹ کی عرضی پر غورکریں۔'

عدالت نے حالانکہ یہ بھی واضح کیا کہ 'شہاب الدین سے کسی کو خطرہ ہے یا شہاب الدین کوخود خطرہ ہے، یہ طے کرنا عدالت کا کام نہیں ہے۔'

اس نے ایک ایسی ہی عرضی پچھے سال دہلی ہائی کورٹ میں داخل کی تھی۔

اس نے کہا تھا کہ 'وہ تہاڑ جیل میں اپنے ساتھ کیے جارہے سلوک سے خوش نہیں ہے۔

شہاب الدین کی عرضی پر دہلی ہائی کورٹ نے دہلی حکومت اور سی بی آئی کو نوٹس جاری کیا تھا۔

شہاب الدین نے اپنی عرضی میں کہا تھا کہ 'اس کے ساتھ اچھا سلوک نہیں کیا جا رہا ہے۔ اسے تنہا بند کردیا گیا ہے، جہاں وہ کسی سے بات نہیں کرسکتا۔

اس کے علاوہ شہاب الدین نے اپنی سکیورٹی کے تعلق سے بھی سوال اٹھائے تھے۔