نئی دہلی: ایودھیا میں رام مندر میں پران پتشٹھا کو لے کر جہاں ایک طرف ملک بھر میں کافی جوش و خروش دیکھا جا رہا ہے وہیں دوسری طرف اس معاملے پر سیاست بھی تیز ہو گئی ہے۔ کانگریس پہلے ہی اس تقریب کے وقت کو لے کر مرکزی حکومت پر حملہ کر رہی ہے۔ کانگریس کے علاوہ شنکراچاریہ نے بھی تقریب کے وقت کو لے کر سوالات اٹھائے ہیں۔ اب اس معاملے میں بی جے پی لیڈر اور سابق وزیر قانون سبرامنیم سوامی نے وزیر اعظم نریندر مودی پر براہ راست حملہ کیا ہے۔
انہوں نے ایکس پر ایک پوسٹ کے ذریعے وزیر اعظم نریندر مودی پر سنگین الزامات لگائے ہیں۔ انہوں نے لکھا کہ، پی ایم مودی نے سپریم کورٹ میں رام جنم بھومی کیس میں تاخیر کرنے کی کوشش کی۔ انہوں نے لکھا کہ جب مقدمہ اختتام کے قریب تھا تو حکومت نے ایودھیا کی تمام زمین واپس کرنے کی درخواست دائر کی۔ جسے پی وی نرسمہا راؤ کی حکومت نے قومیا کر دیا تھا۔ سپریم کورٹ کا شکریہ ادا کرنا چاہیے کہ اس نے اسے نظر انداز کیا اور اپنا فیصلہ دیا۔ سبرامنیم سوامی نے اپنی پوسٹ میں سی جے آئی گوگوئی اور 4 دیگر ججوں کا شکریہ ادا کیا ہے۔