دہلی یونیورسٹی میں نئے طلباء کا پہلا دن

دہلی یونیورسٹی میں تعلیم حاصل کرنا سبھی طالب علموں کا خواب ہوتا ہے لیکن داخلے کی لڑائی میں کچھ خوش نصیب ہی کامیابی حاصل کرتے ہیں۔

اسی سے متعلق ذاکر حسین دہلی کالج کے طلباء سے ای ٹی وی بھارت کے نمائندے نے بات کی اور جانا کہ کالج میں ان کا پہلا دن کیسا گزرا۔

پہلے روز ذاکر حسین دہلی کالج میں سبھی طلباء کو اورینٹیشن پروگرام میں مدعو کیا گیا جہاں بڑی تعداد میں طلباء نے شرکت کی اس تقریب کے دوران طلباء کو کالج کی تاریخ اور اس سے متعلق تمام تر معلومات ایک ویڈیو کے ذریعہ دکھائی گئی۔ اس دوران طلبا نے کئی پرفارمنسز بھی کیے جس میں رقص، گیت اور تبلہ جیسے پروگرام شامل رہے۔

وہیں کالج کے پرنسپل ڈاکٹر مسرور احمد بیگ نے بتایا کہ اس برس جبکہ ابھی پانچویں کٹ آف لسٹ جاری کی گئی ہے اور داخلہ کا سلسلہ ابھی بھی جاری ہے اس کے باوجود ذاکر حسین دہلی کالج میں 1950 طلباء اب تک ایڈمیشن لے چکے ہیں۔