تحسین پونا والا نے کہا کہ جس طرح جامعہ، اے ایم یو اور جے این یو پر سرکار حملہ کروا رہی ہے، دراصل وہ طلبہ کی طاقت سے ڈرتی ہیں، کیونکہ یہاں بڑے۔ بڑے اسکالر، پی ایچ ڈی اور پڑھنے والے بچے ہوتے ہیں، تو وہ سوال کریں گے۔ طلبہ سوال نہیں کریں اسلیے حکومت طلبہ کو اس طرح کے حملے کراکے ڈراتی ہے۔
جامعہ میں ہو رہے احتجاج میں شامل ہوئے تحسین پونا والا، دیکھیں ویڈیو انہوں نے مزید کہا کہ جس طرح خواتین نے اس قانون کے خلاف آواز بلند کی ہے، حکومت ان کی طاقت سے اتنا ڈری ہے کہ وہ کتنا میٹر پیچھے چلی گئی ہے کہ وزیر داخلہ کچھ کہتے ہیں اور وزیر اعظم کچھ اور کہتے ہیں۔
انہوں نے کہا کہ پہلی بار مسلم خواتین اتنی بڑی تعداد میں باہر آئیں، میں ان کو سلام کرتا ہوں، اور جب تک قانون واپس نہیں لیا جائے گا، ہم اسی طرح کھڑے رہیں گے۔
پونا والا نے کہا کہ آج عالمی سطح پر آئی ایم ایف کہتا ہے کہ ہمارے ملک کی معیشت کے سبب دنیا کی معیشت خراب ہو رہی ہے۔
جامعہ میں ہو رہے احتجاج میں شامل ہوئے تحسین پونا والا سی اے اے کے خلاف اپیل کردہ ہونے پر کہتے ہیں کہ جس طرح سے آئین کو بدلا جا رہا ہےاور ملک کو تقسیم کرنے کی کوشش کی جا رہی ہے، مجھے امید ہےکہ ہماری عدالت عظمیٰ اس پر ضرور دخل کرے گی۔ انہوں نے کہا کہ ہاں آج فیصلہ آنے کی امید نہیں ہے، لیکن ہماری بات کو ضرور سنا جائےگا اور آئین میں ہو رہی تبدیلی کو سپریم کورٹ روک لگائے گا۔
