نوئیڈا: رہائشی مکانات دھنس جانے سے خوف و ہراس

نوئیڈا میں ہوئی بارش سے جہاں لوگوں کو گرمی سے راحت ملی ہے۔ وہیں اس بارش نے کچی آبادی میں رہنے والے لوگوں کی مشکلات میں مزید اضافہ کر دیا ہے۔ نوئیڈا کی کچی آبادی سیکٹر -50 جے جے کالونی میں بسنے والے متعدد خاندانوں کے گھر اس بارش میں دھنس گئے۔

قومی دارالحکومت دہلی سے متصل نوئیڈا میں ہوئی بارش سے جہاں لوگوں کو گرمی سے راحت ملی ہے۔ وہیں اس بارش نے کچی آبادی میں رہنے والے لوگوں کی مشکلات میں مزید اضافہ کر دیا ہے۔

دراصل نوئیڈا کی کچی آبادی سیکٹر -50 جے جے کالونی میں بسنے والے متعدد خاندانوں کے گھر اس بارش میں زمین میں دھنس گئے۔

کالونی کے رہائشیوں نے الزام لگایا ہے کہ اس سلسلے میں نوئیڈا اتھارٹی کو متعدد شکایات کی گئیں۔ ہر بار وعدہ کیا گیا، گارنٹی دی گئی لیکن مسائل حل نہیں ہوسکے۔ اس حادثے میں گھروں سے محروم ہونے والے رہائشی صدمے میں ہیں۔

وہیں اطلاع ملنے پر پولیس موقع پر پہنچ گئی۔ پڑوسیوں سے بھی گھر خالی کرا لیا گیا ہے۔ تاہم اس حادثے میں کوئی جانی نقصان نہیں ہوا ہے۔

جے جے کالونی کے رہائشیوں کا کہنا ہے کہ ماضی میں بھی اس طرح کے واقعات پیش آچکے ہیں۔

رہائشی رویندر پردھان نے بتایا کہ نوئیڈا اتھارٹی کے افسران کے سامنے اس طرح کے واقعات کی شکایات کئی بار کی جا چکی ہے لیکن اتھارٹی نے اب تک کوئی کارروائی نہیں کی۔

رویندر کا کہنا ہے کہ پچھلی بار ایسے ہی ایک حادثے کے بعد نوئیڈا اتھارٹی نے جے جے کالونی کی کچی آبادی کے رہائشیوں کو سیکٹر 122 جنتا فلیٹ میں آباد ہونے کی بات کی تھی لیکن اب تک اس پر عمل درآمد نہیں ہوسکا ہے۔