اپوزیشن نے معیشت پر بحث کا مطالبہ کیا

کانگریس اور ترنمول کانگریس سمیت کئی اپوزیشن پارٹیوں نے معیشت میں پچھلے کچھ عرصہ سے جاری سست روی پر راجیہ سبھا میں مختصر بحث کا مطالبہ کیا ہے ۔

ذرائع کا کہنا ہے کہ کانگریس نے معاشی سست روی پر راجیہ سبھا میں مختصر بحث کے لیے نوٹس دیا ہے۔

ساتھ ہی ترنمول کانگریس کی قیادت میں غیر کانگریسی اپوزیشن پارٹیوں نے بھی اسی موضوع پر مختصر بحث کے لیے الگ سے نوٹس دیا ہے۔

خاص بات یہ ہے کہ غیر کانگریسی اپوزیشن پارٹیوں کے ذریعہ دیے گئے نوٹس پر حال ہی میں قومی جمہوری اتحاد سے الگ ہوئی شیوسینا نے بھی دستخط کیے ہیں ۔
اپوزیشن پارٹیاں آج سے شروع ہونے والے سرمائی اجلاس میں دیگر موضوعات کے ساتھ معیشت کی خراب صورت حال پر بھی حکومت کوگھیرنے کی کوشش کی ۔