دیہی عوام کا کمیشنریٹ کے باہر ہنگامہ

قومی دارالحکومت دہلی سے متصل گریٹر نوئیڈا کے دجانہ گاؤں کے ایک 25 برس کے نوجوان منوج کی کچھ دن قبل نہر میں ڈوبنے سے موت ہوگئی تھی۔

ایسا مانا جارہا ہے کہ نوجوان منوج نشہ میں تھا، دوستوں کے ساتھ نہانے گیا اور تیز دھارے میں بہہ گیا، لیکن گھر والوں نے منوج کے قتل کا شبہ ظاہر کیا ہے اور پولیس پر کاروائی نہ کرنے کا الزام لگاتے ہوئے کمیشنریٹ کے باہر ہنگامہ کیا۔

اپنے مطالبہ کے پیش نظر دیہی خواتین اور مردوں کی ایک بڑی تعداد نے کمشنر دفتر کے اندر جانا چاہتی تھی، لیکن انہیں اندر داخل نہیں ہونے دیا گیا، جس کی وجہ سے ہنگامہ برپا ہو گیا۔

خواتین اور پولیس اہلکاروں میں نوک جھونک کی بھی خبر ہیں۔ ان کا کہنا تھا کہ پولیس اس معاملہ میں سنجیدہ نہیں ہے، کیوں کہ چھ دن گزرنے کے باوجود کوئی کاروائی نہیں کی گئی۔

کارروائی نہ کیے جانے کی وجہ سے مجبوری میں دجانہ گاؤں کے لوگوں نے کارروائی کا مطالبہ کرتے ہوئے کمشنر دفتر کا محاصرہ کیا، تاکہ جلد کاروائی ممکن ہو سکے۔