شیلا دکشت کی موت پر مسلم شخصیات کا اظہار غم

دہلی کی سابق وزیر اعلیٰ شیلا دکشت کی وفات پر پرانی دہلی کی سرکردہ شخصیات نے اظہار تعزیت کرتے ہوئے ان کی خدمات کو سراہا۔

پرانی دہلی کی سرکردہ شخصیات نے شیلا دکشت سے منسلک اپنی یادیں تازہ کرتے ہوئے بتایا کہ وہ نہ صرف ایک اچھی رہنما تھی بلکہ وہ ایک اچھی ایڈمنسٹریٹر بھی تھیں.

آل انڈیا مسلم مجلس مشاورت کے صدر نوید حامد نے سابق وزیراعلیٰ کی موت پر غم کا اظہار کیا۔دہلی ایجوکیشن سوسائٹی کے خزانچی اور سماجی کارکن محمد خلیل نے سابق وزیر اعلیٰ کی موت پر افسوس کا اظہار کرتے ہوئے کہا کہ دہلی میں جو کام شیلا دکشت نے کیے ہیں وہ کوئی ںوسرا نہیں کر سکتا.

سینیئر کانگریس ورکر حاجی میاں فیاض الدین نے شیلا دکشت کی موت پر رنج و ملال کا اظہار کرتے ہوئے ان کی موت کو سیاسی قتل قرار دیا۔