مٹیا محل حلقہ اسمبلی سے عام آدمی پارٹی کے امیدوار شعیب اقبال نے آج رنجیت سنگھ مارگ پر واقع ایم سی پرائمری اسکول میں اپنا پرچہ نامزدگی داخل کیا۔ دلچسپ بات یہ ہے کہ شعیب اقبال نے اردو میں تحریر کردہ اپنی پرچہ نامزدگی داخل کی ہے۔
پرچہ نامزدگی داخل کرنے کے بعد شعیب اقبال نے ای ٹی وی بھارت کے نمائندے سے بات کرتے ہوئے کہا کہ 'اردو زبان کو فروغ دینے کے مقصد کے تحت میں نے اپنا پرچہ نامزدگی کو اردو میں داخل کیا ہے۔
ایک سوال جس میں ان سے پوچھا گیا تھا کہ عام آدمی پارٹی میں شامل ہونے کے بعد عوام میں ناراضگی دیکھی جا رہی ہے؟ پر شعیب اقبال نے جواب دیتے ہوئے کہا کہ کوئی ناراض نہیں ہے، عوام کیجریوال کو پسند کر رہے ہیں اور اس بار عام آدمی پارٹی 70 سیٹوں پر جیت درج کر کے تاریخ رقم کرے گی.
