دہلی: سینیئر کانگریس رہنما ششی تھرور کے گروپ نے کانگریس پارٹی صدر کے عہدے کے انتخابی عمل پر اعتراضات ظاہر کرتے ہوئے انتخابات میں بے ضابطگی کا الزام لگایا گیا ہے۔ ششی تھرور گروپ کی جانب سے انتخابات میں بے ضابطگی کا الزام عائد کرتے ہوئے تھرور گروپ کے الیکشن ایجنٹ سلمان سوز نے مدھوسودن مستری کو خط لکھ کر اپنا اعتراض بتایا ہے۔ انہوں نے اتر پردیش میں انتخابی عمل میں بے ضابطگیوں کا الزام لگایا۔ ساتھ ہی اتر پردیش کی تمام ووٹوں کو باطل قرار دینے کا مطالبہ کیا۔ Shashi Tharoor Group Object on Presidential Election
یہ بھی پڑھیں: Election Result Of Congress President کانگریس پارٹی کے نئے صدر کے نام کا اعلان آج
تھرور گروپ کے الیکشن ایجنٹ سلمان سوز نے کہا کہ 'ہم مدھوسودن مستری کے دفتر سے مسلسل رابطے میں ہیں، انہیں بہت سے مختلف مسائل سے آگاہ کیا ہے۔ ابھی تفصیلات میں نہیں جا سکتے۔ کانگریس کی سنٹرل الیکشن اتھارٹی کے چیئرمین مدھوسودن مستری نے کہا کہ تقریباً 96 فیصد ووٹنگ ہوئی، حالانکہ مکمل اعداد و شمار سامنے آنے کے بعد کچھ تبدیلیاں ہو سکتی ہیں۔ ووٹنگ کے بعد مستری نے کہا کہ کہیں سے کوئی شکایت نہیں آئی اور پورا عمل آزادانہ، منصفانہ اور شفاف رہا ہے۔