Mandaviya on Ayushman Cards روزانہ سات سے آٹھ لاکھ آیوشمان کارڈ بن رہے ہیں

منسُکھ مانڈویہ نے لوک سبھا میں ایک سوال کے جواب میں بتایا کہ ملک میں روزانہ لاکھوں آیوشمان کارڈ بنائے جا رہے ہیں اور کوشش کی جا رہی ہے کہ یہ کارڈ جلد ہی ان لوگوں کو دستیاب کرائے جائیں جو ابھی تک اس سے محروم ہیں۔ Mandaviya on Ayushman Cards

نئی دہلی: مرکزی وزیر صحت منسُکھ مانڈویہ نے جمعہ کو کہا کہ ملک میں روزانہ سات سے آٹھ لاکھ آیوشمان کارڈ بنائے جا رہے ہیں اوراس کے ذریعہ ہر غریب کو طبی سہولیات فراہم کرنے کی کوشش کی جا رہی ہے۔ مانڈویہ نے لوک سبھا میں ایک سوال کے جواب میں بتایا کہ ملک میں روزانہ لاکھوں آیوشمان کارڈ بنائے جا رہے ہیں اور کوشش کی جا رہی ہے کہ یہ کارڈ جلد ہی ان لوگوں کو دستیاب کرائے جائیں جنہیں یہ نہیں ملے ہیں۔ Mansukh Mandaviya Address in Lok sabha

انہوں نے کہا کہ 2011 میں جو فہرست تیار کی گئی تھی اس کے مطابق آیوشمان کارڈ بننا تھا لیکن صرف 25 فیصد صحیح لوگ ہی ملے ہیں، اسی وجہ سے کارڈ بنانے میں دشواری ہو رہی ہے۔ انہوں نے گجرات کی مثال دیتے ہوئے کہا کہ ریاست میں 50 لاکھ لوگوں کی فہرست ملی لیکن جب سروے کیا گیا تو صرف 10 لاکھ لوگ ہی دستیاب تھے۔ اس قسم کا مسئلہ ملک بھر میں آرہا ہے اور اسے حل کیا جا رہا ہے۔

وزیر صحت نے کہا کہ اس کارڈ کے ذریعے اپالو جیسے بڑے اسپتالوں میں غریبوں کا علاج کیا جاتا ہے اور یہ سب آیوشمان کارڈ کی وجہ سے ممکن ہوا ہے۔ انہوں نے کہا کہ ملک بھر میں 22000 اسپتالوں کو آیوشمان کارڈ کے استعمال کے لیے پینل میں شامل کیا گیا ہے اور جہاں بھی شکایات آرہی ہیں ان کو دور کرنے کی کوشش کی جائے گی۔ ان کا کہناتھا کہ پینل میں شامل اسپتالوں کو اچھی ادائیگی کی جا رہی ہے اور اس حوالے سے جو بھی شکایات آئیں گی ان کا ازالہ کیا جائے گا۔

یو این آئی