بی جے پی کے سینیئر رہنما تلک راج کٹاریہ کا پارٹی سے استعفی

دہلی کے شالیمار باغ علاقے سے سینئر کونسلر تلک راج کٹاریہ جو گزشتہ 2 سالوں سے کارپوریشن کے اندر قائد ایوان کا کردار ادا کررہے تھے۔ انہوں نے پارٹی کے اس طرز عمل سے نا خوش ہو کر اپنے کونسلر کے عہدے سمیت پارٹی کے تمام عہدوں سے استعفیٰ دے دیا ہے۔

شالی مار باغ کے کونسلر اور تلک راج کٹاریہ جو گذشتہ 2 سالوں سے شمالی دہلی میونسپل کارپوریشن میں قائد کا کردار ادا کررہے ہیں۔ انہوں نے پارٹی کے رویہ سے نا خوش ہو کر پارٹی سے استعفیٰ دے دیا ہے۔

تلک راج کٹاریہ کے میئر سمیت تمام سینئر عہدوں سے متعلق دعوے داری کو نظرانداز کردیا گیا تھا۔ اس کی وجہ سے تلک راج کٹاریہ نے کونسلر سمیت دہلی بی جے پی کے تمام عہدوں سے استعفیٰ دے دیا۔

بی جے پی کے سینیئر رہنما تلک راج کٹاریہ کا پارٹی سے استعفی

شمالی دہلی میونسپل کارپوریشن میں میئر سمیت تمام سینئر عہدوں پر انتخاب کے لئے آج نامزدگی داخل کیئے جارہے ہیں۔ لیکن اس دوران آج تلک راج کٹاریہ نے دہلی بی جے پی کے ریاستی صدر آدیش گپتا کو خط لکھ کر استعفیٰ پیش کیا ہے۔

خط میں تلک راج کٹاریہ نے لکھا ہے کہ وہ پارٹی کے رویہ سے خوش نہیں ہیں۔ پارٹی میں کام کرنے والے کارکنان کی تعریف ختم ہوگئی۔ اب میں اپنی عزت نفس بیچ کر پارٹی کے لئے کام نہیں کرسکتا۔ جب مجھے پارٹی میں ضرورت نہیں ہے تو میں پارٹی کے اندر زبردستی نہیں رہنا چاہتا ہوں۔

واضح رہےکہ اس وقت تلک راج کٹاریہ کا استعفیٰ آیا ہے۔ جب کارپوریشن انتخابات میں صرف ایک چوتھائی سے دو سال باقی ہیں۔ اسی کے ساتھ ہی آج میئر سمیت تمام سینئر عہدوں پر انتخاب کے لئے کاغذات نامزدگی داخل کیے جارہے ہیں اور ان تمام عہدوں پر تلک راج کٹاریہ کو مکمل طور پر نظر انداز کردیا گیا ہے۔ جو تلک راج کٹاریہ کے استعفی کی بنیادی وجہ بتائی جارہی ہے۔