یوم آزادی کے پیش نظر دہلی میں حفاظتی انتظامات سخت

قومی دارالحکومت دہلی میں یوم آزادی کے پیش نظر سیکیورٹی کے سخت انتظامات کیے گئے ہیں۔

دہلی پولیس کے کمشنر راکیش استھانہ نے دہلی کے سیکیورٹی انتظامات کے حوالے سےکہا کہ '75 واں یوم آزادی کے لیے سخت سکیورٹی انتظامات کیے گئے ہیں۔'

انہوں نے کہا کہ قبل لال قلعے کی حفاظت کے لیے وسیع انتظامات کیے گئے ہیں۔انہوں نے کہا کہ کسی بھی ناخوشگوار واقعہ سے نمٹنے کے لیے ہر جگہ سکیورٹی فورسز کو تعینات کیا گیا ہے۔

دہلی پولیس کمشنر راکیش استھانہ نے کسان تحریک اور 26 جنوری کو ہونے والے تشدد پر کہا کہ 'ہم کسان رہنماؤں سے بات کر رہے ہیں۔ ہم نے اپنے افسران سے کہا ہے کہ جو بھی امن و امان کو خراب کرنے کی کوشش کرے گا اس کے ساتھ سختی کے ساتھ نمٹا جائے۔'

انہوں نے کہا کہ 'ہم نے دہلی کی سرحدیں سیل کر دی ہیں تاکہ اس بات کو یقینی بنایا جا سکے کہ ماضی کے واقعات دوبارہ نہ ہوں۔'

آپ کو بتادیں کہ یوم جمہوریہ کے موقع پر کسان ٹریکٹر ریلی کے دوران دہلی میں زبردست تشدد ہوا تھا، جس میں دہلی پولیس کے کئی اہلکار زخمی ہوگئے تھے۔ دہلی پولیس اس وقت مکمل احتیاطی تدابیر اختیار کر رہی ہے۔