Delhi Mundka Fire: منڈکا آتشزدگی واقعہ میں لاپتہ افراد کی تلاش جاری

دہلی کے منڈکا میٹرواسٹیشن کے نزدیک چار منزلہ عمارت میں آگ لگنے کے 24 گھنٹے کے بعد بھی 29 لوگ لاپتہ ہیں۔ دہلی حکومت نے واقعہ کی مجسٹریل انکوائری کا حکم دیا ہے۔ Search for missing persons continues in Delhi Mundka Fire

نئی دہلی:قومی دارالحکومت کے مغربی دہلی میں منڈکا میٹرواسٹیشن کے نزدیک چار منزلہ عمارت میں آگ لگنے کے 24 گھنٹے سے زائد وقت گزرنے کے بعد بھی 29 لوگ لاپتہ ہیں۔ دریں اثنا دہلی حکومت نے واقعہ کی مجسٹریل انکوائری کا حکم دیا ہے۔

وزیراعلیٰ اروند کیجریوال نے مرنے والوں کے لواحقین کو فی کس 10 لاکھ روپے اور زخمیوں کو50- 50 ہزار روپے کی امداد کا اعلان کیا ہے۔ منڈکا آتشزدگی معاملے میں پولیس نے ایک نجی کمپنی کے دو مالکان کو گرفتار کیا ہے، جب کہ جس عمارت میں حادثہ پیش آیا اس کے مالک کی تلاش جاری ہے۔ Search for missing persons continues in Delhi Mundka Fire

پولیس ذرائع نے یہاں بتایا کہ سی سی ٹی وی اور راؤٹر بنانے والی ایک کمپنی کے مالکان ہریش گوئل اور ورون گوئل کو مختلف دفعات کے تحت گرفتار کیا گیا ہے۔ مالک مکان منیش لاکڑ مفرور ہے اور پولیس اس کی تلاش میں مصروف ہے۔ جمعہ کو منڈکا میں ایک چار منزلہ عمارت میں آگ لگنے سے کم از کم 27 افراد کی موت ہوگئی اورتقریباََ 12 لوگ شدید زخمی ہوگئے۔ اس واقعے میں ابھی بھی 29 افراد لاپتہ ہیں جن کی تلاش جاری ہے، لاپتہ ہونے والوں میں 24 خواتین اور پانچ مرد شامل ہیں۔

یو این آئی