دہلی میں یکم ستمبر سے کھلیں گے اسکول

گزشتہ سال مارچ سے اسکول بند ہونے کے بعد تقریباً 17 مہینے بعد اسکول دوبارہ کھل رہے ہیں۔

قومی دارالحکومت دہلی میں اسکول کھولنے کے حوالے سے جاری دہلی ڈیزاسٹر مینجمنٹ اتھارٹی (ڈی ڈی ایم اے) میٹنگ میں ایک بڑا فیصلہ لیا گیا ہے۔ دہلی میں مرحلہ وار طریقے سے اسکول کھولے جائیں گے۔ نویں سے بارہویں تک کے اسکول یکم ستمبر سے کھلیں گے۔ جبکہ 8 ستمبر سے کلاس چھٹی سے آٹھویں تک کے اسکول کھلیں گے۔

واضح رہے کہ اسکول کھولنے کے حوالے سے دہلی ڈیزاسٹر مینجمنٹ اتھارٹی (ڈی ڈی ایم اے) کی میٹنگ ہوئی۔ میٹنگ میں دہلی کے لیفٹیننٹ گورنر انل بیجل اور وزیر اعلی اروند کیجریوال سمیت تمام بڑے رہنما اور عہدیدار موجود رہے۔

دہلی حکومت کی طرف سے تشکیل کردہ ماہر کمیٹی کی تجاویز پر میٹنگ میں تبادلہ خیال کیا گیا ہے کورونا کے بعد معمول پر آرہی زندگی کو دیکھتے ہوئے اب تعلیم پر خاص دھیان دیا جائے، طلبا کی پڑھائی کانقصان نہ ہو جس کے لیے 9یں کلاس سے 12یں کلاس تک کے اسکول یکم ستمبر سے کھولنے پر فیصلہ لیا گیا۔

یہ بات قابل غور ہے کہ گزشتہ سال مارچ سے اسکول بند ہونے کے بعد تقریبا 17 مہینے بعدا سکول دوبارہ کھل رہے ہیں۔