گوتم گمبھیر کا پلاسٹک استعمال نہ کرنے کے لیے دہلی میں ریلی

رکن پارلیمنٹ گوتم گمبھیر کی قیات میں دہلی کے کرشنا نگر سے26 ستمبرکو ایک ریلی نکالی جائے گی۔ ریلی کا مقصد ماحولیات کو صاف ستھرا رکھنے کے لیے پلاسٹک کے استعمال نہیں کرنے پر زوردیا جائے گا۔

بہتر اور خوش گوار مستقبل کے لئے ماحولیات کو صاف ستھرا رکھنا بہت ضروری ہے۔ پلاسٹک اس کے لئے سب سے بڑی رکاوٹ ہے۔

گلوبل وارمنگ سے لڑنے اور کینسر جیسی مہلک بیماریوں سے بچنے کے لیے، ہمیں ،سنگل یوز پلاسٹک پر پابندی عائد کرنی ہوگی۔

یہ بات بی جے پی دہلی پردیش کے میڈیکل سیل کے انچارج,گوئل اسپتال اور یوروولوجی سنٹر کے ڈائریکٹر ڈاکٹر انیل گوئل نے منگل کے روز پریس کانفرنس سے خطاب کرتے ہوئے کہا۔
ڈاکٹر انیل گوئل نے کہا کہ وزیر اعظم نریندر مودی نے ملک اور دہلی کو پلاسٹک سے پاک(پلاسٹک فری) بنانے کے لئے عوام سے جو گزارش کی ہے اس کو پورا کرنے کے لئے معاشرے کے تمام طبقے کو تعاون کرنا ہوگا۔

اسی سلسلے میں ، 26 ستمبر کو رکن پارلیمنٹ گوتم گمبھیر کی سربراہی میں مشرقی دہلی کے کرشنا نگر میں ایک بیداری ریلی نکالی جائے گی۔

ریلی میں دو ہزار سے زائداسکول کے بچے ، غیر سرکاری تنظیم ، آر ڈبلیو اے کے ساتھ شرکت کریں گے۔

اس کے ذریعے لوگوں سے اپنے روزمرہ کی زندگی میں ری یوز ،ری سائیکل اور ریڈیوس کرنے کی اپیل کی جائے گی۔

اس کے ساتھ ہی کپڑوں کے تھیلے بھی سب میں تقسیم کیے جائیں گےتاکہ پلاسٹک سے نجات حاصل مل سکے۔