کمل جیولرز پر ڈکیتی اور فائرنگ کا انکشاف

نوئیڈا سیکٹر 24 تھانہ پولیس نے آج کمل جیولرز سیکٹر۔ 12 میں 13 فروری کو ڈکیتی اور فائرنگ کے معاملے کا انکشاف کرتے ہوئے ایک ملزم ناصر ولد ادریس کو گرفتار کیا ہے۔

ڈی سی پی سنکلپ شرما نے بتایا کہ گرفتار ملزم ناصر ولد ادریس ساکن محلہ سبھاش نگر شمالی گھونڈا پولیس اسٹیشن بھجن پورہ دہلی، آبائی علاقے ڈولا تھانہ سمبھاولی اہیر ضلع باغپت کو اس کی دہلی کی رہائش گاہ سے گرفتار کیا گیا ہے۔

کمل جیولرز پر ڈکیتی اور فائرنگ کا پردہ فاش

اس کی نشاندہی پر، دھول گیری کے قریب سیکٹر 11 نوئیڈا سے واردات میں ملوث موٹرسائیکل ہونڈا شائن رجسٹرڈ نمبر DL3A EA 1320 ، پیلے رنگ کے دھات کی پانچ کڑے اور ایک دیشی پستول برآمد ہوا۔

ڈی سی پی نے بتایا کہ تفتیش کے دوران ناصر نے پولیس کو بتایا کہ اس کے دو دیگر ساتھی مزمل ولد اسرار ساکن A275 گلی نمبر چار جامع مسجد پرانی سیماپوری دہلی اور چھوٹو ایڈریس نامعلوم بھی مرکزی واردات میں ملوث تھے۔

انہوں نے بتایا کہ ناصر ولد ادریش پانچویں تک تعلیم یافتہ ہے اور اس کا اصل پیشہ جرم کرنا ہے۔

انہوں نے بتایا کہ ناصر پر مختلف دفعات کے تحت تقریباً دو درجن مقدمات درج ہیں۔کمل جیولرز پر نوئیڈا میں ہونے والے اس واردات سے سنسنی پیدا ہو گئی تھی۔

اس معاملے میں، کمشنر آلوک سنگھ نے موقع کا دورہ کیاتھا اور بدمعاشوں کو پکڑنے پر 50000 انعام دینے کا اعلان بھی کیا تھا۔

اس معاملے میں گرفتاری اور برآمدگی میں اسٹیشن انچارج رامفل سنگھ، اتم کمار، امت کمار، عزیر رضوی، شمشاد گجر شامل ہیں، جو کافی مشقت کے بعد واقعے کا پردہ فاش کرنے میں کامیاب ہوئے۔