Opposition MPs Suspended: لوک سبھا میں اپوزیشن بیک فٹ پر

لوک سبھا میں نیشنلسٹ کانگریس پارٹی (این سی پی)، دراوڑ منیترا کزگم (ڈی ایم کے) اور ترنمول کانگریس نے کانگریس کے چار ارکان کی معطلی واپس لینے کی اپیل کرتے ہوئے کہا کہ وہ اب ایوان کے سامنے احتجاج نہیں کریں گے۔ Revoke suspension of Congress MPs from Lok Sabha

دہلی:ایوان کی کارروائی ایک بار ملتوی ہونے کے بعد دوپہر 2 بجے جب دوبارہ شروع ہوئی اور پریزائیڈنگ افسر راما دیوی نے رول 377 کے تحت معاملہ اٹھانے کے لیے اراکین کے نام پکارنا شروع کر دیا ۔ اس وقت این سی پی کی رکن پارلیمان سپریا سولے نے اپیل کی کہ کانگریس کے جن چار اراکین کو پورے اجلاس کے لیے معطل کر دیا گیا ہے، ان کی معطلی کو ختم کر کے انہیں ایوان میں واپس لایا جائے۔ اگر حکومت مہنگائی پر بات کرنے کو تیار ہے تو ہم بھی بحث میں حصہ لینا چاہتے ہیں۔

ترنمول کانگریس کے سدیپ بندھوپادھیائے اور ڈی ایم کے کے اے راجہ نے بھی کہا کہ انہیں افسوس ہے کہ کانگریس اراکین نے ایوان کی کارروائی میں رخنہ ڈالا ہے۔ بہرحال ان کی معطلی کو منسوخ کرکے ایوان میں واپس لایا جانا چاہیے۔

اس پر پارلیمانی امور کے وزیر پرہلاد جوشی نے کہا کہ معطلی کو ختم کرنے کا فیصلہ اسپیکر کریں گے، لیکن کیا سپریہ سولے، راجہ اور بندھوپادھیائے اس بات کی گیارنٹی لیں گے کہ مذکورہ اراکین دوبارہ ایسا سلوک نہیں کریں گے۔ انہوں نے کہا کہ حکومت پہلے دن سے کہہ رہی ہے کہ وہ مہنگائی سمیت ہر معاملے پر بات کرنے کو تیار ہے۔ لیکن گیارنٹی کے معاملے پر اپوزیشن کی طرف سے کوئی جواب نہیں آیا اور عوامی اہمیت کے اہم امور کو رول 377 کے تحت ایوان میں اور پھر وقفہ صفر کے دوران اٹھایا گیا۔