وزیر دفاع کے ہمراہ ہماچل پردیش کے وزیر اعلیٰ جے رام ٹھاکر اور وزیر مملکت برائے خزانہ و کارپوریٹ امور انوراگ ٹھاکر تھے۔
راجناتھ سنگھ نے ٹویٹ کیا کہ 'سنیچر کو ہونے والی افتتاحی تقریب کی تیاریوں کا جائزہ لینے کے لئے 'اٹل ٹنل، روہتانگ کا دورہ کیا۔ وزیر اعظم نریندر مودی سرنگ کو ملک کے لئے وقف کریں گے۔ 9.02 کلومیٹر طویل 'انجینئرنگ مارویل' منالی کو لاہول اسپتی وادی سے مربوط کرے گی۔'
سنگھ جو ہماچل پردیش کے دو روزہ دورے پر ہیں، نے منالی میں ڈی آر ڈی او کی ایس اے ایس ای کا بھی دورہ کیا۔
اٹل سرنگ، ہمالیہ کے پیر پنجال رینج میں ایم ایس ایل سے 3000 میٹر (10000 فٹ) کی اونچائی پر انتہائی جدید خصوصیات کے ساتھ تعمیر کی گئی ہے۔
اس سے منالی اور لیہہ کے درمیان سڑک کے فاصلے کو 46 کلومیٹر اور وقت کو تقریباً 4 تا 5 گھنٹوں تک کم کیا جا سکتا ہے۔
سرنگ کا ساؤتھ پورٹل (ایس پی) منالی سے 2560 کلومیٹر کے فاصلے پر 3060 میٹر اونچائی پر واقع ہے جب کہ سرنگ کا شمالی پورٹل (این پی) وادی لاہول میں گاؤں ٹیلنگ، سیسو کے قریب 3071 میٹر کی بلندی پر واقع ہے۔
راجناتھ سنگھ کا افتتاحی تقریب سے قبل 'اٹل ٹنل' کا دورہ
یہ آٹھ میٹر کا روڈ وے اور 5.525 میٹر کے اوور ہیڈ کلیئرنس کے ساتھ 'ہارس شو شیپ' کی سنگل ٹیوب ڈبل لین سرنگ ہے۔
اس سرنگ کو روزانہ 3000 کاروں کی ٹریفک اور ایک دن میں زیادہ سے زیادہ 80 کلومیٹر فی گھنٹہ کی رفتار کے ساتھ 1500 ٹرکوں کی آمدورفت کو دیکھتے ہوئے تیار کیا گیا ہے۔
روہتانگ پاس کے نیچے اسٹریٹجک سرنگ تعمیر کرنے کا فیصلہ 3 جون 2000 کو لیا گیا تھا، جب آنجہانی اٹل بہاری واجپئی وزیر اعظم تھے۔ سرنگ کے جنوبی پورٹل تک ایکسیس روڈ کا سنگ بنیاد 26 مئی 2002 کو رکھا گیا تھا۔
راجناتھ سنگھ کا افتتاحی تقریب سے قبل 'اٹل ٹنل' کا دورہ
مرکزی کابینہ نے 2019 میں سابقہ وزیر اعظم کی طرف سے ملک کے لیے انجام دی گئی خدمات کے اعزاز میں روہتانگ ٹنل کا نام اٹل سرنگ رکھنے کا فیصلہ کیا تھا۔
بارڈر روڈس آرگنائزیشن (بی آر او) نے سرنگ کی تعمیر میں بڑے ارضیاتی، خطے اور موسم کے چیلنجوں پر قابو پالیا۔
