راج ناتھ سنگھ کے صاحبزادے کورونا وائرس سے متاثر

مرکزی وزیر راج ناتھ سنگھ کے صاحبزادے پنکج سنگھ کورونا وائرس سے متاثر ہونے کے بعد ہسپتال میں داخل ہو گئے ہیں۔

پنکج سنگھ نے ٹویٹر پر اس کی جانکاری دی ہے۔

پنکج سنگھ ریاست اترپردیش کے ضلع گوتم بدھ نگر کے رکن اسمبلی ہیں۔

اس کے علاوہ وہ اترپردیش بی جے پی یونٹ کے نائب صدر بھی ہیں۔

پنکج سنگھ کا ٹوئٹ

پنکج سنگھ نے کہا کہ ان میں کورونا وائرس کی علامت پیدا ہوئی، ٹیسٹ کے بعد رپورٹ مثبت نکلی ہے۔

انہوں نے پیر کی شب دیر سے کہا کہ میں ڈاکٹرز کے مشورے پر ہسپتال میں داخل ہو گیا ہوں۔

پنکج سنگھ نے درخواست کی ہے کہ گذشتہ دنوں جو افراد میرے رابطے میں آئے ہیں ، وہ سبھی افراد ٹیسٹ کرائیں اور قرنطینہ میں چلے جائیں۔