نئی دہلی: وزیر دفاع راج ناتھ سنگھ نے 1971 کی ہند-پاک جنگ Indo-Pak War 1971 میں فتح کی گولڈن جوبلی کے موقع پر جمعرات کو یہاں انڈین ڈاک کے ذریعہ تیار کردہ ایک خصوصی یادگاری ڈاک ٹکٹ جاری Stamps issued on the Golden Jubilee کیا۔ اس کے ساتھ ہی گزشتہ سال دسمبر میں شروع ہونے والی سال بھر جاری 'گولڈن وکٹری ایئر' کی تقریبات کا اختتام ہوا۔
ہر سال 16 دسمبر کو پاکستان کی مسلح افواج کے ہتھیار ڈالنے اور بھارتی افواج کی فیصلہ کن فتح کی یاد میں 'یوم فتح' کے طور پر منایا جاتا ہے۔ اسی دن پاکستان کی ایسٹرن کمانڈ کے کمانڈر لیفٹیننٹ جنرل امیر عبداللہ خان نیازی نے مشرقی سیکٹر میں اپنی فیصلہ کن شکست کو تسلیم کرتے ہوئے ہتھیار ڈالنے کی دستاویزات پر دستخط کیے تھے اور بھارت کی طرف سے مشرقی سیکٹر میں بھارت اور بنگلہ دیش کی افواج کے جنرل آفیسر کمانڈنگ انچیف لیفٹیننٹ جنرل جگجیت سنگھ اروڑہ نے دستخط کئے۔
اس موقع پر ایسٹرن نیول کمانڈ کے فیلڈ آفیسر کمانڈنگ ان چیف وائس ایڈمرل این کرشنن اور ایئر مارشل ایچ سی دیوان، ایئر آفیسر کمانڈنگ ان چیف، مشرقی فضائیہ بھی موجود تھے۔