امکان ہے کہ دونوں رہنما ہندوستان اور سری لنکا کے مابین دوطرفہ تعلقات کو مستحکم کرنے کے طریقوں پر تبادلہ خیال کریں گے، اس کے علاوہ باہمی تعاون کے شعبوں پر بھی بات چیت ہوگی۔
راج پکشے، جو تین روزہ ہندوستانی دورے پر ہیں ، صدرجمہوریہ رام ناتھ کووند سے بھی ملاقات کریں گے۔
سرکاری ذرائع کے مطابق سری لنکا کے صدر راج گھاٹ بھی جائیں گے اور مہاتما گاندھی کو خراج عقیدت پیش کریں گے۔
صدارتی انتخابات میں کامیابی کے بعد ، راج پکشے کو مودی نے فون کے ذریعہ مبارکباد دی تھی اور باضابطہ طور پر انہیں پہلے سرکاری دورے پر ہندوستان آنے کی دعوت دی تھی۔
واضح رہے کہ راج پکشے کا آج راشٹرپتی بھون میں استقبال کیا جائے گا۔
دورہ ہند روانگی سے قبل ، راج پکشے نے ٹویٹ کیا تھا کہ وہ اس دورے کے دوران ہندوستان کے ساتھ دوطرفہ تعلقات کو مستحکم کرنے کے لئے پرامید ہیں۔
اہم بات یہ ہے کہ وزیر خارجہ ڈاکٹر ایس جے شنکر نے گزشتہ ہفتے سری لنکا کے نئے مقرر صدر سے ملاقات کی تھی۔