دہلی میں بارش سے درجہ حرارت میں کمی

قومی دارالحکومت دہلی میں اتوار کی صبح ہوئی بارش سے کم از کم درجہ حرارت میں کمی آئی ہے۔

محکمہ موسمیات نے بتایا کہ صبح ساڑھے آٹھ بجے تک 9.2 ملی میٹر بارش درج کی گئی ہے۔ محکمہ موسمیات کے مطابق مشرق، شمال، اور جنوب مشرقی دہلی، نوئیڈا، گریٹر نوئیڈا اور غازی آباد میں اگلے دو گھنٹوں میں تیز ہوائیں چلنے اور گرج کے ساتھ بارش ہونے کے آثار ہیں۔

صبح ساڑھے آٹھ بجے تک ہوا میں نمی کی سطح 84 فیصد رہی۔ محکمہ موسمیات کے مطابق زیادہ سے زیادہ درجہ حرارت 35 ڈگری سیلسیس کے آس پاس رہنے کا اندازہ ہے۔