راہل اور پرینکا گاندھی کی آسام، کیرالا میں انتخابی مہم

اسمبلی انتخابات کے پیش نظر کانگریس کے رہنما راہل گاندھی اور پرینکا گاندھی واڈرا آج سے آسام اور کیرالہ میں انتخابی مہم شروع کریں گے۔

راہل گاندھی آسام میں پارٹی امیدواروں کے لیے میدان میں اتریں گے جہاں کانگریس ملٹی پارٹی الائنس کی سربراہی کررہی ہے اور واپسی پر نظر بنائے ہوئے ہیں۔ شمال مشرقی ریاست میں پہلے مرحلے کی ووٹنگ سنیچر کو ہوئی تھی جب کہ دوسرے مرحلے کے لیے ووٹنگ جمعرات کو ہوگی۔

منگل کو ہونے والے پروگرام کے مطابق راہل سلچر کے تاراپور میں واقع انڈیا کلب گراؤنڈ میں خواتین سے بات چیت کریں گے، اس کے بعد ضلع دیما ہاسو کے ہافلانگ کے ڈی ایس اے گراؤنڈ میں جلسہ عام سے خطاب کریں گے۔ وہ ضلع کربی اینگلونگ کے بوکاجان کے ہانجنگلوسو اسپورٹس ایسوسی ایشن گراؤنڈ کے ایک جلسہ میں بھی شریک ہوں گے۔

وہیں پرینکا گاندھی کیرالا میں 6 اپریل کو ہونے والی پولنگ کے لیے پبلک میٹنگ اور روڈ شو کریں گی۔