بی جے پی حکومت پر راہل-پرینکا کا طنز

راہل گاندھی اور پرینکا گاندھی بی جے پی پر مسلسل زبانی حملے کر رہے ہیں۔ڈیزل اور پٹرول کی قیمتوں میں اضافے کو لیکر راہل اور پرینکا نے ایک پر پھر بی جے پی کو نشانہ بنایا ہے۔

نئی دہلی: کانگریس کے سابق صدر راہل گاندھی اور پارٹی کے جنرل سکریٹری پرینکا گاندھی وڈرا نے جمعہ کو کہا کہ بھارتیہ جنتا پارٹی (بی جے پی) کی زیرقیادت مرکزی حکومت ڈیزل کی قیمتوں اور بڑھتی ہوئی معیشت میں اضافہ کرکے ملک کو لوٹ رہی ہے۔

کانگریس قائدین نے ’بھارت کو لوٹ رہی بی جے پی‘ مہم کے تحت وزیر اعظم نریندر مودی پر بھی تنقید کرتے ہوئے کہا کہ وہ سچ بولنے، سوال پوچھنے اور تنقید کرنے سے ڈرتے ہیں۔ ان کی زیر قیادت حکومت میں لوٹ مار کے سبب ملک مشکل حالات میں ہے، لیکن اس کی کوئی پرواہ نہیں ہے۔

راہل گاندھی نے ٹویٹ کیا کہ "یہ حقیقت سے، سوالوں سے، کارٹونوں سے ڈرتے ہیں۔" ایک اور ٹویٹ میں انہوں نے کہا کہ "ملک کی مجموعی گھریلو مصنوعات (جی ڈی پی) گر رہی ہے، بے روزگاری عروج پر ہے، ایندھن کی قیمتیں آسمان چھو رہی ہیں اور بی جے پی ملک کو مختلف طریقوں سے لوٹ رہی ہے۔ "

وڈرا نے کہا کہ "وبائی امراض کے دوران مودی حکومت نے پٹرول اور ڈیزل پر 2.74 لاکھ کروڑ روپے کے ٹیکس جمع کیے ہیں۔ اس رقم سے کیا ہوسکتا تھا۔

پورے بھارت کے لئے ویکسین (67000 کروڑ) 718 اضلاع میں آکسیجن پلانٹس 29 ریاستوں میں ایمس اسپتال اور 25 کروڑ غریبوں کو 6000 روپے کی مدد، لیکن ملا کچھ بھی نہیں۔‘‘