'مودی حکومت ملک کی معیشت کو برباد کر رہی ہے'

راہل گاندھی نے کہا کہ 'حکومت عوام اور چھوٹی صنعتوں (ایم ایس ایم ای) کو نقد مالی امداد نہ دے کر ملکی معیشت کو تیزی سے برباد کررہی ہے'۔

کانگریس کے سابق صدر راہل گاندھی نے الزام عائد کیا کہ 'مودی حکومت کورونا وائرس سے پیدا ہونے والے بحران کے دوران غریبوں اور ایم ایس ایم ای کو نقد مالی امداد فراہم نہیں کرکے ملک کی معیشت کو برباد کررہی ہے۔'

راہل گاندھی نے ہفتہ کے روز ٹویٹ کیا کہ 'حکومت عوام اور خورد، چھوٹی اور درمتوسط صنعتوں ( ایم ایس ایم ای) کو نقد مالی امداد نہ دے کر ملکی معیشت کو تیزی سے برباد کررہی ہے'۔

اس کے ساتھ ہی انہوں نے ایک خبر بھی پوسٹ کی ہے جس میں کہا گیا ہے کہ آج تمام لوگ خریدار اور سرمایہ کار ہیں، اس لیے معیشت کو برقرار رکھنے کے لیے ہر ایک کی جیب میں نقدی ڈالنا ضروری ہے۔