'طلبہ کھلونا نہیں،امتحان پرگفتگو چاہتے تھے'

کانگریس کے سابق صدر راہل گاندھی نے وزیراعظم نریندر مودی کی 'من کی بات' میں کھلونا صنعت پر زدور دینے پر سخت الفاظ میں مذمت کی ہے۔

کانگریس کے سابق صدر راہل گاندھی نے کہا ہے کہ انجینئرنگ اور میڈیکل میں انٹرینس ایگزام دینےکے خواہش مند طلبہ وزیراعظم نریندرمودی کے ریڈیو پر نشر ’من کی بات ‘ پروگرام میں اس بار کھلونوں پر نہیں بلکہ جوائنٹ انٹرنس ایگزام (جے ای ای) اور نیشنل ایلیجلیٹی انٹرنس ٹیسٹ (این ای ای ٹی) پر بات چیت چاہتے تھی لیکن مسٹر مودی نے انہیں پوری طرح مایوس کیا ہے۔

راہل گاندھی نے وزیراعظم کے من کی بات پروگرام کے نشر ہونے کے بعد اپنا ردعمل ظاہر کرتے ہوئے ٹویٹ کیا کہ ’’جے ای ی - این ای ای ٹی میں بیٹھنے والے طلبہ چاہتے تھے کہ وزیراعظم امتحان پر چرچہ کریں لیکن وزیراعظم نے کھلونوں پر چرچہ کی۔

واضح رہے کہ کانگریس جے ای ای اور نیٹ امتحانات کورونا کی وبا کے درمیان منعقد کرنے کے حکومت کے فیصلے کی مخالفت کررہی ہے۔

اس مسئلے پر کانگریس اقتدار اور اس کی حمایت والی چھ ریاستوں نے سپریم کورٹ میں امتحان ملتوی کرنے کے سلسلے میں نظر ثانی کی عرضی بھی دائر کی ہے۔

کانگریس صدر سونیا گاندھی نے بھی اس مسئلے پر اس سے پہلے غیر بی جےپی اقتدار والی ریاستوں کے وزرائے اعلی سے غور و خوض کیا تھا۔

سبھی نے کورونا کی وبا اور اس کی وجہ سے جاری ٹرانسپورٹ کی عدم سہولیات کے پیش نظر یہ امتحان نہ کرانے کی اپیل حکومت سے کی تھی۔