راہل نے کورونا کے سلسلے میں مودی حکومت پر پھر نشانہ لگایا

راہل گاندھی نے کورونا کے مسلسل بڑھ رہے معاملوں کے سلسلے میں کسی نامعلوم مفکر کی مثال کے ساتھ ہفتے کو مودی حکومت پر نشانہ لگایا

نئی دہلی: کانگریس کے سابق صدر راہل گاندھی نے کورونا کے مسلسل بڑھ رہے معاملوں کے سلسلے میں کسی نامعلوم مفکر کی مثال کے ساتھ ہفتے کو مودی حکومت پر نشانہ لگایا اور کہا کہ بار بار ایک ہی طریقہ سے الگ الگ نتیجوں کی امید کرنا سنکی پن ہے۔

گاندھی نے ٹویٹ کرکہا،’’بار بار ایک ہی کام کرنا اور اس میں بھی الگ نتیجے کی امید کرنا ایک سنک ہی ہے- نامعلوم۔‘‘

راہل نے کورونا کے سلسلے میں مودی حکومت پر پھر نشانہ لگایا

اس کے ساتھ ہی انہوں نے لاک ڈاؤن کے چاروں مراحل میں کورونا کے مسلسل بڑھے گراف کو بھی پوسٹ کیا ہے جن میں دکھایا گیا ہے کہ ہر لاک ڈاؤن میں متاثرین کی تعداد مسلسل بڑھی ہے۔کانگریس لیڈر نے کورونا بحران کے سلسلے میں حکومت پر کل بھی نشانہ لگاتے ہوئے کہا تھا’’بھارت ایک غلط دوڑ جیتنے کے راستے پر بڑھ رہا ہے۔یہ گھمنڈ اور نا اہلیت کے خطرناک مرکب کے نتیجے میں پیدا ہوا خطرناک سانحہ ہے۔