کورونا وائرس کی وجہ سے نوح کی پرانی سبزی منڈی بند کردی گئی تھی اور اسے عارضی طور پر شہر سے دوری پر واقع نئی سبزی منڈی میں منتقل کیا گیا تھا۔
اب ڈپٹی کمشنر نوح نے ان لاک ون ختم ہونے کے بعد چند شرائط کے ساتھ پرانی سبزی منڈی کو کھولنے کی اجازت دی ہے۔
ضلع انتظامیہ کی جانب سے جاری ہدایات کے مطابق سبھی آڈھتی اور سبزی دوکاندار اپنی اپنی دوکانیں طاق و جفت کے ضابطہ کے ساتھ کھولیں گے۔سماجی دوری کا خیال کرتے ہوئے ، ماسک اور دستانے پہن کر دوکانوں پر موجود رہیں گے۔
اسے علاوہ دوکاندار خریداروں کو بھی ماسک مہیا کرائیں گے اور منڈی میں کسی بھی شخص کے کورونا پازیٹو آنے کی خبر کو فوری طور پر نگر پالیکا کو بتانا لازمی ہوگا۔
ڈپٹی کمشنر پنکج یادو نے کہا کہ اگر ضوابط کی پاسداری نہیں کی جاتی ہے تو یہ مہلت کبھی بھی واپس لی جا سکتی ہے۔