شہریت ترمیمی قانون کے خلاف مظاہرہ

شہریت ترمیمی قانون اور این آر سی کے خلاف احتجاجی مظاہروں کا سلسلہ جاری ہے۔ قومی دارالحکومت دہلی میں یونائیٹیڈ اگینسٹ ہیٹ کے بینر تلے منڈی ہاوس سے جنتر منتر تک احتجاجی مارچ نکالا گیا ۔ جس میں کثیر تعداد میں عوام نے شرکت کی ۔منڈی ہاوس علاقے میں نظم و ضبط کو لے کر دفعہ 144 نافذ ہے ۔

مظاہرین کا کہنا ہے کہ جس طرح ملک بھر میں شہریت ترمیمی قانون اور این آر سی کے خلاف احتجاجی مظاہرے ہو رہے ہیں اور پولیس جس طرح مظاہرین کے ساتھ برتاو کر رہی ہے وہ قابل مذمت ہیں ۔

مظاہرین نے کہا کہ جے این یو طالب علم شرجیل امام اور ڈاکٹر کفیل احمد خان کو جھوٹے مقدمات میں پھنسا کر انہیں گرفتارکرنا بھی قابل مذمت ہے ۔

انہوں نے کہا کہ پولیس جب تک شرجیل امام اور ڈاکٹر کفیل احمد خان کو رہا نہیں کرتی ہے اس وقت تک یہ احتجاج جاری رہے گا۔

مظاہرین نے یہ بھی کہا کہ اس احتجاجی دھرنے میں ڈاکٹر کفیل احمد خان اور شرجیل امام کے اہل خانہ بھی شریک ہونگے ۔