Police Stop Protest In Delhi جنتر منتر پر مظاہرین کو احتجاج کے دوران حراست میں لیا گیا

قومی دارالحکومت دہلی کے جنتر منتر پر آج فلسطین پر اسرائیل کے حملے خلاف احتجاجی مظاہرے کا اعلان کیا گیا تھا جس کے شروع ہونے سے پہلے ہی پولیس نے تمام مظاہرین کو حراست میں لے کر احتجاج ختم کرا دیا۔ اس دوران تقریبا 70 سے زائد مظاہرین کو بسوں میں بھر کر ہریانہ کے بارڈر کی جانب روانہ کیا پے۔

نئی دہلی:قومی دارالحکومت دہلی کے جنتر منتر پر آج فلسطینی عوام کے ساتھ اظہار یکجہتی اور ان کے ساتھ ہو رہے ظلم و ستم کے خلاف مختلف طلباء تنظیموں کی جانب سے ایک احتجاجی مظاہرہ کیا گیا حالانکہ دہلی پولیس نے ان طلباء تنظیموں کو احتجاج کرنے نہیں دیا۔

جنتر کے راستے میں جیسے ہی طلباء اور سوشل اکٹیوسٹ کی جانب سے احتجاج کا آغاز ہوا ویسے ہی پولیس افسران اور پیرا ملٹری فورسز کی جانب سے مظاہرین کے ساتھ دھکہ مکی شروع ہوگئی اور پھر پولیس نے تمام مظاہرین کو ہراست میں لیکر 3 بسوں کے ذریعے انہیں اب ہریانہ کے بارڈر کی طرف لے جایا جا رہا ہے۔

اطلاعات کے مطابق ان تین بسوں میں 80 سے زائد مظاہرین ہیں ان میں دہلی یونیورسٹی جواہر لعل نہرو یونیورسٹی کی طلباء تنظیموں جن میں کے وائ ایس، اے آئی ایس اے، دشا سمیت دیگر طلباء تنظیموں کے ممبران اور سوشل ایکٹیوسٹ بھی شامل تھے۔

احتجاجی مظاہرہ کرنے والے طلباء سے ای ٹی وی بھارت کے نمائندے محمد راحم نے جب بات کی تو انہوں نے بتایا کہ وہ فلسطین عوام کے ساتھ ہو رہے ظلم و ستم کے خلاف ایک پر امن انداز میں اپنا احتجاج درج کرانے آئے تھے جس کی اجازت دہلی پولیس نے دے دی تھی تاہم آخری وقت میں پرمیشن کو رد کر دیا گیا ہم اپنا احتجاج پر امن انداز میں کرنا چاہتے تھے چونکہ بھارتیہ آئین کے مطابق اس جمہوری ملک میں سبھی کو احتجاج کرنے کا حق حاصل ہے لیکن دہلی پولیس ہمیں احتجاج کرنے نہیں دے رہی۔

دشا طلباء تنظیم کے رکن جنہیں دہلی پولیس اپنی حراست میں لے چکی تھی انہوں نے نمائندے سے کہا جو ملک جمہوریت کے لیے دنیا میں سب سے بڑی جمہوریت کے طور پر مانا جاتا ہے اس ملک میں ایک پرامن احتجاج کو کس طرح سے دبایا جا رہا ہے یہ آپ دیکھ سکتے ہیں۔