دہلی کے لکشمی نگر میں چین کے خلاف احتجاج

دہلی کے لکشمی نگر میٹرو اسٹیشن کے پاس چین کے خلاف زبردست احتجاج کیا جا رہا ہے، جس میں معذور افراد سمیت خواتین بھی شریک ہوئیں اور نعرے بازی کرتے احتجاج کیا۔

آج پورا ملک اتحاد کے دھاگے میں بندھا ہوا ہے، بھارت اور چین کے درمیان کشیدگی کو لیکر بھارت۔ چین سرحد پر ہی نہیں بلکہ بھارت کے اندر بھی چین کے خلاف کافی ناراضگی دیکھی جا رہی ہے۔

مشرقی دہلی کے لکشمی نگر میٹرو اسٹیشن میں کافی غم و غصہ اور احتجاج تھا جس میں لوگوں نے چین کے خلاف نعرے بازی کی اور چینی سامان جلا کر احتجاج کیا۔

وہاں لوگوں کا کہنا ہے کہ وہ کبھی بھی چینی سامان نہیں خریدیں گے اور نہ ہی وہ کوئی چینی موبائل ایپلی کیشن استعمال کریں گے۔

لوگوں نے یہ بھی کہا کہ 'اب یہ بھارت 1962 کا بھارت نہیں ہے اب یہ 2020 کا بھارت ہے، اب چین کو اینٹ کا جواب پتھر سے دیں گے'۔