شاہین باغ میں احتجاج کا 72واں دن

شاہین باغ میں مسلسل 72 ویں روز بھی احتجاج جاری ہے۔ ایسی صورتحال میں نہ تو سڑک کھولی اور نہ ہی مظاہرین کا جوش و خروش کم ہوتا دکھائی دیا۔

دارالحکومت دہلی کے شاہین باغ کے ساتھ ساتھ پورے ملک میں بھی شہریت ترمیمی قانون کے خلاف احتجاج ہو رہا ہے۔ احتجاج کی وجہ سے ابھی بھی شاہین باغ کی سڑکیں بند ہیں۔

ای ٹی وی بھارت نے جب مظاہرین سے بات چیت کی تو 'مظاہرین کا صاف طور پر کہنا تھا کہ وزیر اعظم مودی یہ متنازہ قانون کو جلد از جلد واپس لیں جیسے ہی وہ اس قانون کو واپس لیں گے راستہ کو کھول دیا جائے گا۔

کچھ خواتین مظاہرین کا کہنا تھا کہ 'جب تک انہیں انصاف نہیں مل جاتا تب تک وہ اپنا احتجاجی مظاہرہ جاری رکھیں گی۔

واضح رہے کہ گزشتہ 72 دن گزر جانے کے بعد بھی شاہین باغ کے مظاہرین میں وہی جوش و خروش دیکھا جارہا ہے۔ مزاکرات کار نے خواتین سے لگاتار چار دن بات کی حالانکہ کچھ نتائج حاصل نہیں ہوسکا۔