مزدوروں ان کے گھر بھیجوانے کا عمل شروع

دس بسز سے تقریباً 200 تارکین وطن مزدوروں کو نوئیڈا، گریٹر نوئیڈا کے شیلٹر ہوم سے کو ان کے آبائی اضلاع بھیجنے کا عمل شروع کردیا گیا ہے۔

قوومی درالحکومت دہلی سے منسلک ریاست اترپردیش کے صنعتی اور سرحدی شہر نوئیڈا سے ٹرانسپورٹ کارپوریشن کی دس بسز کے ذریعہ منگل کی دیر رات سے 200 مہاجر مزدور بھیجے جاچکے ہیں۔

خیال رہے کہ ان تارکین وطن مزدوروں کو نوئیڈا اور گریٹر نوئیڈا میں 40 کے قریب پناہ گاہوں میں علیٰحدہ علیٰحدہ رکھا گیا تھا۔

ان تمام کارکنوں نے شیلٹر ہوم میں 14 دن کی کوارنٹین مدت کو مکمل کیا ہے، حالانکہ بسز میں سوار ہونے سے قبل بھی ان کا طبی معائنہ بھی کیا گیا۔

واضح رہے کہ گریٹر نوئیڈا کے دادری میں کوشالیہ ورلڈ سکول میں پناہ گزین مزدوروں کے لیے اترپردیش ٹرانسپورٹ کی بسز منگل کی شب علی گڑھ، کانپور، پریاگ راج، بدایوں اور دیگر شہروں کے لیے روانہ ہوگئیں۔

تمام مہاجر مزدوروں کو سوار کرنے سے پہلے ان کی تھرمل سکریننگ کی گئی اور درجہ حرارت کی جانچ پڑتال کی گئی۔

نوئیڈا ڈپو کے اسسٹنٹ ریجنل منیجر انوراگ یادو نے بتایا کہ نوئیڈا ڈپو سے ایک بھی بس تارکین وطن کو بھیجنے کے لیے استعمال نہیں کی گئی تھی۔

انہوں نے بتایا کہ ڈپو کی تمام بسز سی این جی ہیں اور صرف 250 کلومیٹر تک ہی سفر کرسکتی ہیں، یہی وجہ ہے کہ ڈپو بسز نہیں لگائی گئیں، بلکہ دوسرے ڈپو سے بسز لگائی گئیں ہیں۔

یاد رہے کہ شیلٹر ہوم میں رہنے والے افراد کو روڈ ویز بسز کے ذریعے اپنے آبائی ضلع بھجوایا جارہا ہے، اس میں نہ صرف اترپردیش بلکہ دیگر ریاستوں سے آنے والے تارکین وطن بھی شامل ہیں۔