Rahul Ravana Graphics راہل گاندھی کو راون دکھانے پر پرینکا گاندھی کا پی ایم مودی سے سوال

پانچ ریاستوں میں ہونے والے اسمبلی انتخابات سے پہلے بی جے پی جیت کے لیے کوئی بھی حربہ اپنانے میں جھجک محسوس نہیں کررہی۔ اب بی جے پی کے آفیشیل ایکس ہینڈل سے ایک گرافک پوسٹ کیا گیا ہے، جس میں راہل گاندھی کو سات سروں والا راون بتایا گیا ہے۔ پرینکا گاندھی نے اس معاملے میں وزیراعظم مودی اور جے پی نڈا سے چبھتے ہوئے سوال کیے ہیں۔ provocative tweets from the official X handle of the saffron party

نئی دہلی:کانگریس کی قومی جنرل سکریٹری پرینکا گاندھی واڈرانے بی جے پی کی طرف سے اپنے بھائی اور کانگریس کے رکن پارلیمنٹ راہل گاندھی کو 'راون' کے طور پر پیش کرنے والے گرافک پر سخت اعتراض جتایا ہے ۔ انہوں نے بھگوا پارٹی کے آفیشل ایکس ہینڈل سے اشتعال انگیز ٹویٹس پوسٹ کرنے پر بھارتیہ جنتا پارٹی (بی جے پی) پر تنقید کی۔ ایکس پوسٹ کرتے ہوئے پرینکا نے وزیر اعظم نریندر مودی اور بی جے پی کے قومی صدر جے پی نڈا سے پوچھا کہ وہ سیاست اور بحث کو کس درجہ تنزلی کی طرف لے جانا چاہتے ہیں؟۔ پرینکا نے پوچھا ہے کہ ، کیا آپ اپنی پارٹی کے آفیشل ٹویٹر ہینڈل سے پوسٹ کیے جانے والے پرتشدد اور اشتعال انگیز ٹویٹس سے اتفاق کرتے ہیں؟

پرینکا نے ایکس پر ہندی میں ایک تبصرہ پوسٹ کرتے ہوئے کہا: " قابل احترام نریندر مودی جی اور جے پی نڈا ، آپ سیاست اور بحث کو کس سطح پر لے جانا چاہتے ہیں؟ کیا آپ سرکاری ٹویٹر سے پوسٹ کیے جانے والے پرتشدد اور اشتعال انگیز ٹویٹس سے اتفاق کرتے ہیں؟ اپنی پارٹی کو سنبھالیے؟ زیادہ وقت نہیں گزرا اور آپ نے سچائی کا عہد لیا تھا، کیا تم وعدوں جیسے عہد بھول گئے؟"

کانگریس قیادت نے راہل گاندھی کی شخصیت پر بی جے پی کے تازہ حملے پر سنجیدگی سے لیا ہے۔ بی جے پی نے کانگریس کے سابق صدر کا موازنہ امریکی ارب پتی سرمایہ کار جارج سوروس سے بھی کیا ہے۔ پانچ ریاستوں میں اسمبلی انتخابات سے پہلے، بی جے پی نے راہل گاندھی پر سخت حملہ کیا اور ایکس پر اپنی پوسٹ کا کیپشن لکھا کہ "انڈیا خطرے میں ہے۔ وہ برا ہے، دھرم مخالف، رام مخالف۔ اس کا مقصد بھارت کو تباہ کرنا ہے۔"