وزیراعظم نے بات چیت کے دوران دو برس قبل کے اپنے تاریخی روانڈا دورے کے بعد سے دو فریقی تعلقات میں ہوئی پیش رفت کا اطمینان ظاہر کیا۔
روانڈہ کے صدر نے اس دورے کے دوران نریندر مودی کی طرف سے انہیں تحفے میں دی گئیں 200 گایوں کا ذکر کیا اور بتایا کہ ان سے روانڈہ کے بچوں کے لئے دودھ کی پیداوار میں مدد ملی ہے اور ساتھ ہی کسانوں کی آمدنی میں بھی اضافہ ہوا ہے۔
دونوں لیڈروں نے کووڈ۔ 19 وبا سے دوران صحت نظام اور اقتصادیات کے لئے پیدا ہوئے چیلنجوں پر تبادلہ خیال کیا۔ انہوں نے اس بحران سے ابھرنے اور شہریوں کو بہتر صحت یقینی بنانے کی سمت ممیں اپنے اپنے ممالک میں اٹھائے گئے اقدامات سے جڑی جانکاریاں مشترک کیں۔
دونوں لیڈروں نے موجودہ بحران کے دوران ایک دوسرے کے مہاجر شہریوں کو ہر ممکن مدد دینے پر اتفاق ظاہر کیا۔
وزیراعظم نے بحران کی اس گھڑی میں روانڈا کے لوگوں کی صحت اور خوشحالی کے لئے اپنی نیک تمنائیں پیش کیں۔
