وزیر اعظم مودی نے ای بک 'میری ٹائم انڈیا ویژن 2030' جاری کیا

وزیر اعظم نریندر مودی نے میری ٹائم انڈیا سمٹ 2021 کا افتتاح کیا۔ اس دوران وزیر اعظم نے ویڈیو کانفرنسنگ کے ذریعہ ای بک میری ٹائم انڈیا ویژن 2030 جاری کیا۔ وزیر اعظم نے ساگر منتھن - مرکنٹائل میری ٹائم ڈومین بیداری مرکز کا آغاز کیا۔

وزیر اعظم نریندر مودی نے میری ٹائم انڈیا سمٹ 2021 کا افتتاح کرتے ہوئے کہا کہ 'یہ سربراہی اجلاس خطہ سے متعلق بہت سے اسٹیک ہولڈرز کو جمع کرتا ہے۔ مجھے یقین ہے کہ ہم سمندری معیشت کو فروغ دینے میں بڑی کامیابی حاصل کریں گے۔'

وزیر اعظم نے کہا کہ میری ٹائم انڈیا سمٹ کے ذریعہ میں دنیا کو بھارت آنے کی دعوت دینا چاہتا ہوں اور ہماری ترقی کی رفتار کا حصہ بننے کی بھی دعوت دے رہا ہوں۔ بھارت سمندری شعبہ میں ترقی کے لیے بہت سنجیدہ ہے۔

انہوں نے کہا کہ بھارتی حکومتِ گھریلو جہاز سازی اور جہازوں کی مرمت کی مارکٹ پر توجہ دے رہی ہے۔ گھریلو جہاز سازی کی حوصلہ افزائی کے لیے ہم نے شپ بلڈنگ فائننشئل اسسٹنٹس پالیسی کو منظوری دے دی ہے۔

وزارت بحری، جہاز رانی اور آبی گزرگاہوں کے زیر اہتمام یہ ڈیجیٹلکانفرنس 2 سے 4 مارچ تک جاری رہے گی۔