وزیر اعظم مودی نے نرسمہا راؤ کو خراج عقیدت پیش کیا

وزیر اعظم نریندر مودی نے آںجہانی وزیراعظم نرسمہا راؤ کو یوم پیدائش پر ٹویٹ کر کے یاد کیا۔

پیر کو ایک ٹویٹ پیغام میں وزیراعظم نریندر مودی نے آنجہانی وزیراعظم نرسمہا راؤ کو یاد کرتے ہوئے کہا ’’سابق وزیر اعظم نرسمہا راؤ کو ان کی 100 ویں یوم پیدائش پر خراج عقیدت، ملک کی تعمیر میں ان کی خدمات کو یاد کیا جا رہا ہے۔ وہ ایک دانشور اورذہین انسان تھے‘‘۔

خیال رہے وزیر اعظم نے گذشتہ سال اپنے ’من کی بات‘ پروگرام میں مسٹر نرسمہا راؤ کے بارے میں کئی باتیں کہی تھیں اوران کے حوالہ سے ایک ویڈیو بھی ٹوئٹ کے ساتھ شیئر کی تھی۔
(یو این آئی)