' مسئلہ کشمیر طاقت سے حل نہیں ہوسکتا'

قومی دارالحکومت نئی دہلی میں جمعیت علما ہند کے صدر مولانا ارشد مدنی نے پریس کانفرنس میں کہا کہ کشمیریوں کے ساتھ بات چیت کی جانی چاہئے۔

ارشد مدنی نے دفعہ 370 کے معاملے پر کہا کہ' کشمیر میں 70 لاکھ افراد بستے ہیں۔ کشمیری ہیں، مسلمان ہیں ان کی تکالیف کا احساس ختم نہ ہوجائے، یہ نہیں ہونا چاہیے۔ حکومت کو 70 لاکھ لوگوں کے مسائل کو سمجھنا چاہیے۔'

انہوں نے کہا کہ مسئلہ کشمیر طاقت سے حل نہیں ہوسکتا ہے۔عوام پریشان ہے، میں وہی بات کہتا ہوں جو موہن بھاگوت کہتے ہیں کہ ملک کے کسی شہری کو پریشان نہیں کیا جانا چاہئے۔'

واضح رہے کہ گذشتہ دنوں مرکزی حکومت نے دفعہ 370 کے تحت جموں و کشمیر کو حاصل خصوصی حیثیت کو ختم کرنے کے تقریباً تین ماہ بعد ریاست کو سرکاری طور پر دو مرکزی علاقے 'جموں و کشمیر' اور 'لداخ' میں تقسیم کردیا۔ جموں و کشمیر میں قانون سازی کا تسلسل برقرار ہے جیسے پڈوچیری میں ہے، لیکن لداخ چنڈی گڑھ کی طرح بغیر قانون ساز رکھا گیا ہے۔

وادی کشمیر میں آج مسلسل 94 ویں سے بندشیں اور پابندیاں جاری ہے۔ وہیں انٹرنیٹ خدمات اور پریپیڈ موبائل سروسز بھی معطل ہے۔