صدر کووند کا کورونا وائرس ٹسٹ آج

کورونا وائرس دنیا بھر میں تشویش کا باعث بنا ہوا ہے وہیں بھارت میں بھی یہ خطرناک وبا تیزی سے پھیل رہی ہے۔

کورونا وائرس سے بڑھتی تشویش کے درمیان بھارت کے لیے ایک بُی خبر یہ آئی کہ صدر جمہوریہ رام ناتھ کووند کو، کویڈ-19 کا ٹسٹ کروانا پڑ رہا ہے کیوں کہ ان سے ایک رکن پارلیمنٹ نے ملاقات کی تھی جس نے کورونا وائرس سے متاثرہ ایک گلوکارہ کے پروگرام میں شرکت کی تھی۔

راشٹرپتی بھون کے ایک ذرائع کے مطابق صدرجمہوریہ رام ناتھ کووند کا ٹسٹ آج کیا جائے گا۔

بی جے پی رکن پارلیمنٹ دشینت سنگھ نے صدر کی جانب سے اہتمام کردہ ناشتے میں شرکت کی جبکہ دشینت سنگھ نے گلوکارہ کنیکا کپور کی ایک تقریب میں شرکت کی تھی جو کورونا وائرس سے متاثرہ پائی گئی ہیں۔

واضح رہے کہ صدر کی جانب سے اہتمام کردہ ناشتے میں 96 ارکان پارلیمنٹ نے شرکت کی تھی۔ کئی اراکین پارلیمان نے خود کو آئیسولیٹ (الگ تھلگ) کر لیا ہے۔