کووند نے ملک کے باشندوں کو رکشا بندھن کی مبارکباد دی

صدر رام ناتھ کووند نے پیار اور بھائی چارے کے تہوار رکشا بندھن کے موقع پر ملک کے باشندوں کو مبارکباد پیش کی ہے اور نیک خواہشات کا اظہار کیا ہے۔

صدر رام ناتھ کووند نے رکشا بندھن کی مبارکباد دیتے ہوئے اپنے پیغام میں کہا کہ 'رکشا بندھن کے مبارک موقع پر میں تمام بھارتیوں کو دلی مبارکباد دیتا ہوں اور نیک خواہشات پیش کرتا ہوں۔'

انہوں نے مزید کہا کہ 'راکھی پیار، محبت اور یقین کا وہ اٹوٹ دھاگہ ہے جسے بہنیں اپنے بھائیوں کی کلائی پر باندھتی ہیں۔ یہ ایک ایسا تہوار ہے جو خواتین کے مفادات کی حفاظت کرنے اور ان کی بھلائی کے لیے کام کرنے کی قوت ارادی کو مضبوط کرتا ہے۔'

صدر نے کہا کہ 'آئیے! اس دن، ہم سب خواتین کے احترام اور تحفظ کے تئیں کوشاں رہنے کا عزم کریں تاکہ ملک اور سماج میں وہ بڑھ چڑھ کر شراکت داری کر سکیں۔'