جامعہ ملیہ اسلامیہ میں صدر جمہوریہ کا خطاب

قومی دارالحکومت میں واقع جامعہ ملیہ اسلامیہ (جے ایم آئی) اپنے یوم تاسیس کے موقع پر بھارت کے صدر اور جے ایم آئی کے وزیٹر رام ناتھ کووند مہمان خصوصی کے طور پر موجود رہے۔

سالانہ کانووکیشن کے موقع پر خطاب کرتے ہوئے صدر رام ناتھ کووند نے کہا کہ ' مجھے خوشی ہے کہ گذشتہ روز جامعہ نے اپنا 99 واں فائنڈیشن ڈے منایا۔ اس یونیورسٹی کی شروعات ملک کی آزادی کی لڑائی کی تاریخ سے جڑی ہوئی ہے۔'

انہوں نے اس موقع پر کہا کہ ' جامعہ نے سب کو ساتھ لے کر چلنے کی جو مثال پیش کی ہے وہ قابل تعریف ہے۔

انہوں نے مزید کہا کہ 'جامعہ نے 'نفرت انگیز ماحول میں اتحاد' کی مثال قائم کی ہے۔'

یونیورسٹی کے پی آر او میڈیا کوآرڈینیٹر احمد عظیم کے مطابق' 2017 اور 2018 میں امتحانات پاس کرنے والے 5000 سے زائد طلباء، اس کانووکیشن میں ڈگری اور ڈپلوما سرٹیفکیٹز سے نوازے گئے۔

گزشتہ سال یونیورسٹی میں وائس چانسلر نہ ہونے کے سبب کانووکیشن منعقد نہیں ہوا تھا۔

یونیورسٹی کو 29 اکتوبر کو 99 سال ہوگئے ہیں۔