پاپولر فرنٹ آف انڈیا نے الزام کی تردید کی

پاپولر فرنٹ آف انڈیا (پی ایف آئی) کے سکریٹری انیس احمد نے ریاست اترپردیش کی پولیس انتظامیہ کے تمام تر الزامات کی تردید کی ہے اور کہا کہ شاہین باغ مظاہرے کے لیے کسی طرح کے رقم کے لین دین نہیں ہوئی ہے، یہ سب میڈیا کی پھیلائی ہوئی جھوٹی خبر ہے۔

پاپولر فرنٹ آف انڈیا نے اس تعلق سے ایک ویڈیو جاری کیا ہے جس میں پی ایف آئی کے سکریٹری انیس احمد نے اس الزام کو بے بنیاد بتایا ہے اور کہا ہے کہ کسی بھی معاملے میں رقم کے لین دین کا الزام بے بنیاد ہے۔

انہوں نے کہا کہ ای ڈی نے کبھی ایسا نہیں کہا ہے کہ شاہین باغ میں ہو رہے احتجاج کے لیے رقم کی لین دین ہوئی ہے، بلکہ ای ڈی سنہ 2018 میں ایک کیس کی تحقیقات کر رہی ہے۔ انہوں نے کہا کہ یہ صرف میڈیا کی بنائی ہوئی کہانی ہے۔

انہوں نے مذید کہا کہ شاہین باغ میں فنڈز دینے کا سوال ہی پیدا نہیں ہوتا ہے اور پی ایف آئی نے کبھی بھی کسی سیاسی جماعت کو نہ تو کبھی فنڈز دیا ہے اور نہ ہی کسی سے لیا ہے۔