صدر جمہوریہ رام ناتھ کووند نے ملک کے شہریوں کو عالمی یوم یوگا کے موقع پر مبارکباد پیش کی۔
کووند نے ٹویٹر پر یوگ کرتے ہوئے اپنی تصویر شیئر کی اور لکھا 'سب کو عالمی یوم یوگ کی مبارکباد ، قدیم یوگ سائنس انسانیت کو بھارت کا انمول تحفہ ہے'۔
وہیں وزیر اعظم نریندر مودی نے بین الاقوامی یوگا ڈے کی عوام کو مبارکباد دیتے ہوئے اپنی نیک خواہشات کا اظہار کیا ہے۔
انہوں نے اس موقع پر یوگا ایٹ ہوم کا سلوگن دیتے ہوئے کہا کہ 'کووڈ-19 کی وجہ سے آج ہم سب گھروں میں ہی رہ کر یوگا کر رہے ہیں۔
انہوں نے کہا کہ 'گھر کے بزرگوں اور بچوں کے ساتھ سبھی یوگ کے ذریعہ ایک دوسرے سے جڑتے ہیں تو پورے گھر میں توانائی آتی ہے۔'
اس موقع پر نائب صدر ایم ونکیا نائیڈو نے کہا کہ 'یوگا قلب و دماغ کو مضبوط کرنے کے ساتھ پوری عالمی برادری کو جوڑ رہا ہے۔'
یوگا کے عالمی دن کے موقع پر جاری ایک پیغام میں نائیڈو نے کہا کہ 'یوگا کی 5000 سال پرانی بھارتی روایت محض ایک جسمانی سرگرمی نہیں ہے، بلکہ یہ اس سے بھی کہیں زیادہ ایک فلسفہ اور طرز زندگی سے بھی بڑھ کر ہے۔'
وہیں مرکزی وزیر داخلہ امت شاہ نے یوم یوگا پر ملک کے شہریوں کو مبارکباد دیتے ہوئے کہا کہ 'یوگا جسم و جان، سوچ اور انسان اور قدرت کے مابین ہم آہنگی قائم کرنے کا ایک ذریعہ ہے
انہوں نے کہا کہ 'پوری انسانیت کو بھارتی ثقافت کے اس قیمتی تحفہ کو مودی جی نے اپنی کاوشوں کے ذریعہ عالمی طور پر قبولیت بخشی ہے، جس سے آج پوری دنیا نے یوگ کو اپنایا ہے۔ یوم یوگ کی مبارک ہو۔'
