دہلی: پولیس اہلکار کی پٹائی، ویڈیو وائرل

دہلی کے اتم نگر علاقہ کی ایک ویڈیو وائرل ہو رہی ہے، جس میں دہلی پولیس کے ایک جوان کو وردی میں ہی پیٹا جارہا ہے۔

نئی دہلی: دوارکا ضلع کے اتم نگر پولیس اسٹیشن علاقے کی ایک ویڈیو تیزی سے وائرل ہو رہی ہے، جس میں دہلی پولیس کے ایک جوان کو اس کی وردی میں پیٹا جارہا ہے۔ پولیس پر شراب پی کر دفتر آنے کا الزام عائد کیا جارہا ہے۔

تیزی سے وائرل ہورہی اس ویڈیو کی اطلاع جب ڈی سی پی سنتوش مینا تک پہنچی تو انہوں نے اس معاملے کی تصدیق کرتے ہوئے کہا کہ یہ معاملہ 14 دن پرانا ہے۔

انہوں نے بتایا کہ اس ویڈیو کی جانکاری گزشتہ روز ان کو ملی تھی، اس ویڈیو کی مکمل تحقیقات کی جارہی ہیں۔ ابتدائی تفتیش میں پولیس اہلکار کے ساتھ مار پیٹ کرنے کا مقدمہ درج کیا گیا ہے۔

دہلی پولیس اس معاملے کو سنجیدگی سے لے رہی ہے اور مکمل طور پر تحقیقات کی جارہی ہے ۔