'پولیس بلااجازت یونیورسٹی میں داخل ہوئی'

جامعہ نگر میں شہریت ترمیمی قانون کے خلاف مظاہرہ کر رہے لوگوں پر لاٹھی برساتے ہوئے پولیس یونیورسٹی میں جبرا داخل ہوگئ جس کے بعد پولیس نے یونیورسٹی کی لائبریری میں بھی طلبا پر لاٹھی چارج کیا۔

جامعہ ملیہ اسلامیہ کے چیف پراکٹر وسیم احمد خان نے کہا کہ 'پولیس کو یونیورسٹی میں داخل ہونے کی بالکل بھی اجازت نہیں دی گئی تھی اس کے باوجود پولیس یونیورسٹی میں زبردستی داخل ہوئی اور طلبا کے ساتھ مار پیٹ کی۔'

انہوں نے مزید کہا کہ 'پولیس نے ہمارے اسٹاف کی بھی پٹائی کی۔'

پولیس زبردستی یونیورسٹی میں داخل ہوئی: جامعہ چیف پراکٹر

واضح رہے کہ شہریت ترمیمی قانون کے خلاف جامعہ کے طلبا کے احتجاج کرنے کی وجہ سے یونیورسٹی کو چھ جنوری تک کے لیے بند کردیا گیا ہے۔