'تفتیش کے دوران جائیداد کو قرق نہیں کیا جاسکتا'

سپریم کورٹ نے آج بمبئی ہائی کورٹ کے اس فیصلے پر مہر لگادی ہے جس میں اس نے کہا ہے کہ پولیس فوجداری مقدمات کی تحقیقات کے دوران کسی بھی ملزم کی غیر منقولہ جائیدادیں قرق نہیں کرسکتی ۔

تاہم عدالت نے منقولہ جائیداد ضبط کرنے پر کوئی روک نہیں لگائی ہے۔

چیف جسٹس رنجن گوگوئی ، جسٹس دیپک گپتا اور جسٹس سنجیو کھنہ کی بینچ نے بمبئی ہائی کورٹ کے فیصلے کو برقرار رکھتے ہوئے کہا ہے کہ تعزیراتی قانون (سی آر پی سی) کی دفعہ 102 میں غیر قانونی جائیدادوں کو ضبط کرنے اور قرق کرنے کا پولیس کو اختیار نہیں ہے۔

جسٹس کھنہ نے بینچ کے سامنے اپنی رضامندی ظاہر کی جبکہ جسٹس گپتا نے اپنا فیصلہ الگ ظاہر کیا ہے۔

یاد رہے کہ مہاراشٹرا حکومت نے ہائی کورٹ کے مذکورہ بالا فیصلے کو عدالت عظمی میں چیلنج کیا تھا۔