نوئیڈا: باپ اور بیٹے کی گرفتاری

وزیراعظم نریندر مودی کے خلاف مبینہ طور پر سوشل میڈیا میں قابل اعتراض تبصرہ کرنے کے بعد نوئیڈا پولیس نے باپ اور بیٹے کو گرفتار کرلیا۔

اس سلسلہ میں نوئیڈا فیز 2 پولیس اسٹیشن نے دونوں کو عدالت میں پیش کرنےکے بعد جیل بھیج دیا۔

ملزمین کی شناخت شرمک کنج کے رہنے والے عبدالسلام اور بیٹے رحمت کی حیثیت سے کی گئی ہے۔ سیکٹر 93 کے رہنے والے ایک شخص نے اس سلسلہ میں شکایت کی تھی۔

پولیس کے مطابق باپ اور بیٹےکے خلاف دفعہ 19 (1) کے تحت مقدمہ درج کیا گیا۔ انہوں نے گزشتہ ایک روز قبل واٹس ایپ پر وزیراعظم کے خلاف قابل اعتراض پوسٹ بھیجا تھا۔