مایاوتی نے بابا صاحب کےاصولوں کے خلاف کام کیے:مودی

وزیر اعظم نریندر مودی نے آج انتخابی ریلی میں سماج وادی پارٹی۔بہوجن سماج پارٹی اتحاد پر شدید نکتہ چینی کی۔

مودی نے آج ایودھیا کے نیا بازار میں ’وجے سنکلپ ریلی‘ سے خطاب کرتے ہوئے کہا کہ بہن جی نے بابا صاحب کے اصولوں کے خلاف کام کیا۔سماجوادی پارٹی نے بھی لوہیا جی کے نام کا استعمال کیا لیکن سب تہس نہس کردیا۔ان کو غریبوں اور مزدوروں کی فکر کرنی چاہئے تھی۔

انہوں نے کہا کہ پہلی بار ہوا ہے جب کسی حکومت نے غریبوں اور مزدوروں کے بارے میں سوچا ہے۔ انہوں نے کہا کہ ہمارے ملک کے 40کروڑ سے زیادہ مزدور بھائی بہنوں کی ان پارٹیوں نے کبھی پرواہ ہی نہیں کی۔مزدوروں اور غریبوں کو ووٹ بینک میں تقسیم کرکے ان لوگوں نے صرف اپنا اور اپنے خاندان کا فائدہ پہنچایا۔

مودی نے کہا کہ بابا صاحب امبیڈکر کا نام جس شہر سے جڑا ہے میں وہاں آکر اچھا محسوس کررہا ہوں۔آپ کا پیار میرا سرمایہ ہے۔آپ اتنا پیار دیتے ہیں ،ادھر سماجوادی اور بی ایس پی والوں کا بی پی بڑھ جاتا ہے۔